Turistët kanë mbetur të habitur ndërsa miliona gaforre të kuqe shihen duke bërë migrimin e tyre vjetor në oqean për t’u shumuar në ishullin piktoresk të Krishtlindjeve.
Mbi 50 milionë gaforre të kuqe flakëruese do të bëjnë udhëtimin nga xhungla në bregun e Parkut Kombëtar, në veriperëndim të Australisë Perëndimore.
Vendasit dhe udhëtarët janë mbledhur për të kapur atë që konsiderohet si një nga migrimet më të mëdha të kafshëve në planet, ndërsa krijesat e bëjnë ishullin të duket i kuq.
Në pamjet e fenomenit natyror, krustacet shihen duke u grumbulluar nëpër rrugë, ura, shkëmbinj dhe përrenj për të arritur në destinacionin e tyre në kohë për t’u shumuar.
Stafi në ishull shpenzon disa muaj duke u përgatitur për migrimin duke vendosur ura të ndërtuara posaçërisht dhe barriera të përkohshme.
Dr Tanya Detto, një koordinatore e programit të specieve pushtuese në Ishullin e Krishtlindjeve, tha për Daily Mail Australia se zona nuk kishte parë kaq shumë gaforre migruese që nga viti 2005.
o.j/dita
Ja,,edhe gaforret e kane kuptuar,qe nuk duhet kaluar ne rruge,se quhet kundravajtje,por kalojne mbikalimin,.
Shqiptari me lopen ,dhine,capin,kalon mes per mes rruges,thyen koken e vet,perplas makinat,ben aksiden,se as sa gaforrja nuk e ka nivelin./