Kontrollet e befasishme në qelitë e Paraburgimit të Durrësit çuan në zbulimin e një sasie prej 187 gramë lënde narkotike kanabis sativa. Burime zyrtare konfirmuan se brenda territorit të Institutit të Ekzekutimit të Vendimeve Penale në lagjen Nr. 17, u gjet sasia e hashashit e fshehur në një prej qelive. Por nën hetim janë të gjithë të arrestuarit që ndodheshin në atë qeli, pasi mohuan akuzën e posedimit të drogës. Hetimet i ndjek prokuroria vendore.