Partia Demokratike ka publikuar sërish video nga protesta e 8 janarit, ku hedh poshtë deklaratat e Sali Berishës se ajo ishte një protestë paqësore.
Përmes një postimi në ‘Facebook’, PD shkruan se 8 janari tregoi fytyrën e vërtetë të Berishës dhe se ai nuk do mund ta marr peng partinë për interesat dhe hallet e tij personale.
PD thekson se partia nuk do të jetë më ‘avokatja’ e personave të korruptuar.
I braktisur nga demokratët Sali Berisha vjen vërdallë duke mashtruar e kërcenuar këdo që nuk mendon si ai. 8 janari tregoi fytyrën e vërtetë të Sali Berishës. Për interesin e tij Berisha dhunoi shtepinë e demokratëve dhe ishte gati të derdhte gjakun e tyre. Por as ai, as aleatët e tij nuk do ta marrin peng Partinë Demokratike për hallet e tyre pesonale. Partia Demokratike nuk do të jetë kurrë më as streha dhe as avokate e të korruptuarve. Demokratët kanë zgjedhur të ardhmen, për t’u dhënë shqiptarëve ndryshimin që duan.
a.m/dita