Iku Vaçja madhështore,
ai zë kristali,
iku Nailja-Fitneti,
dhe Mentor Xhemali.
Na ikën ato legjenda,
që këngën e ndritën,
ato maja madhështore,
kurrë s’u arritën!
Mbetën emra të pavdekshëm,
që kurrë s’harrohen,
po perlat e tyre sot,
gjëkund s’transmetohen!
Kam edhe emra të tjerë,
si qershi mbi tortë,
zëra magjikë që janë mbyllur,
në një kasafortë!
Sekretin që s’transmetohen,
nuk e di veç unë,
se “këngëve” që bëhen sot,
do tu hapnin punë!
Sot këngët s’dalin nga shpirti,
dalin nga fabrika,
po si mund të quhen këngë,
kur mungon muzika?!
Kënga s’mund të quhet këngë,
kur s’ka melodi,
ndaj dhe Vaçen sot e fshehin,
nga brezi i ri.
Duan që brezi i ri,
mos e mësojë kurrë,
se u bë një art i madh,
ndënë diktaturë.
Se u bë një art i madh,
ndënë diktaturë,
e sot shumica e këngëve,
janë karikaturë!
Shoh në skenë si shfryhen dufet,
s’merret vesh një fjalë,
të shkretat ekrane mbushen,
me bythë e me shalë!
Mua më ndjellin pa fund,
vetëm neveri,
kur këto këngët “moderne”,
kthehen në orgji!
Hiq nja pesë a gjashtë që janë,
ende në traditë,
të tjerët s’i shikon dot,
se të dhëmbin sytë!
Gjithë klipet konceptohen,
vetëm në një prizëm,
është e sigurt që do shohësh,
seks edhe striptizëm!
Banalitete pa fund,
që pa fjalë të lënë,
s’e kuptoj-pse pullë të kuqe,
klipeve s’u vënë?!
Them se do jenë kalimtare,
të gjatë se kanë ditën,
se është mision i pamundur,
të prishësh traditën!
Do vijë dita që s’do thonë,
ishte se ç’na ishte,
se labi ngrihet nga varri,
nga një pogonishte!
Kush kërkon të stilizojë,
këngën popullore,
është njëlloj që një kështjellë,
ta kthesh në kasolle!
Nuk është kjo një pemë me kokrra,
që me gurë e gjuaj,
unë kam lënë shpirtin në këngë,
ndaj për këngën vuaj!
31 Korrik 2016
E vertete e pa tundeshme!
Realitet trishtues…
deshet Revolucionin e Ngjyrave, qe ju tha soros o beni rilindjoti apo jo, kshu e shpallet ju socijalistet kur bete kthesen te cilen e quajtet ‘Demokraci’
Realitet i hidhur i degradimit te kenges – te muzikes dhe teksteve te saj, ndaj shperthen Poeti i Popullit Arben Duka : perballe Vace Zeles, Mentor Xhemalit, Naile Hoxhes dhe Fitnete Rexhes, e te tjere te pavdekshem me interpretimet dhe kenget qe kenduan, kritikon ashper censuren e tyre, sarkazon me vargje te thjeshta, te shpirtit te Tij shkaktaret e censures, midis te cileve edhe interpretuesit e sotem te cileve verbohen nga krijimet e bera ne periudhen e “Diktatures”.
Ashper Ai kritikon edhe prestigjiatoret e sotem te kenges popullore, qe perpiqen ta stilizojne , ta deformojne dhe sakatojne, sikur keshtjellen ta kthesh ne kasolle.
Megjithate Poeti eshte plot shprese :
– “Them se do jenë kalimtare,
të gjatë se kanë ditën,
se është mision i pamundur,
të prishësh traditën!
Ndaj dhe ti o Benko,
nga malli pas tyre shkove,
se per nje Mentor Xhemal,
gjithe jeten u deshirove,
shume fort u dogje more Benko hallalli,
per “Enver Hoxha prehi shpaten”
sec te shkriu malli!