Gjykata Kushtetuese këtë të hënë do të mblidhet sërish për të shqyrtuar çështjen e mbetur pezull për shkarkimin e presidentit Ilir Meta.
Seanca e tretë për shkarkimin e kreut të shtetit në Kushtetuese do të nisë në orën 10:00.
Ndërkaq në seancën e fundit, përfaqësuesit ligjorë të Presidentit u mbrojtën duke kundërshtuar të gjithë procedurën që ishte ndjekur nga Parlamenti në legjislaturën IX për ngritjen e komisionit hetimor për shkarkimin e Presidentit.
Sipas tyre, Presidentit të Republikës iu mohua e drejta për t’u dëgjuar në Parlament para se të merrej vendimi për ngritjen e komisionit hetimor.
Ndërsa një tjetër moment ku u ndal mbrojtja e Presidentit ishte fakti se Kuvendi nuk kishte legjitimitet për të kryer hetimin, sipas tyre.
Pas pretendimeve të Presidencës, trupa gjykuese e Gjykatës Kushtetuese drejtoi 70 pyetje ndaj tyre. Për t’u dhënë përgjigje këtyre pyetjeve juristët e presidencës kërkuan 48 orë kohë.
Mos e zgjatni ma.