Një përleshje me motive banale mes dy grupeve të të rinjve në lagjen nr. 6 të qytetit, përfundoi me 3 të plagosur me thikë. Policia ndaloi si të dyshuar vëllezërit Ervis dhe Besmir Lamo, 33 dhe 28 vjeç, pasi orët e vona të së mërkurës, pas një konflikti për motive të dobëta, dyshohet se kanë plagosur rëndë kushërinjtë M. K., 22 vjeç, Q. K., 22 vjeç, dhe G. Xh., 24 vjeç, banues në Sukth. Të dëmtuarit pasi kanë marrë mjekim, janë larguar për në banesa, jashtë rrezikut për jetën.