Zyra e Jashtme, Commonwealth dhe Zhvillimi e Mbretërisë së Bashkuar (FCDO) ishte objektivi i një sulmi kibernetik. BBC shkruan se detajet dolën përmes një dokumenti të publikuar në një faqe interneti të qeverisë.
Dokumenti zbuloi se firma e sigurisë kibernetike BAE Systems Applied Intelligence u thirr për mbështetje të menjëhershme pas sulmit. Hakerat e paidentifikuar hynë brenda sistemeve FCDO, por u zbuluan.
Një zëdhënës i FCDO tha: Ne nuk komentojmë për sigurinë, por kemi sisteme të vendosura për të zbuluar dhe mbrojtur kundër incidenteve të mundshme kibernetike.
Nuk besohet se është shkelur ndonjë material i klasifikuar ose shumë i ndjeshëm. Nuk dihet gjithashtu se kur ka ndodhur ngjarja. Një numër shtetesh të huaja janë akuzuar për fushata të mëdha spiunazhi në të kaluarën, duke përfshirë Rusinë dhe Kinën, dhe ministritë e jashtme të një numri shtetesh të cilat janë në shënjestër rregullisht.
a.m/dita