FOTO: Instrukton Tabakun me ‘ndihmën’ e dy gazetarëve, mesazhet e anëtares së AMA-s dhe reagimi i saj, çfarë thotë Kodi i Sjelljes së AMA

Sot gjatë punimeve të Komisionit Hetimor për çeshtjen e inceneratorëve, janë fotografuar mesazhet e anëtares së Autoritetit të Medias Audiovizive, Desada Metaj me kryetaren e komisionit Jorida Tabaku,

Në mesazhe shfaqet se si Tabaku merr udhëzime nga Metaj e kjo nga dy gazetarë se çfarë pyetjesh duhet t’i drejtojë kryebashkiakut Veliaj.

Në foto shfaqen bisedat paralele të Metajt me Tabakun dhe gazetarët Andi Tela dhe Andi Bushati, të cilët i thonë Metajt se çfarë duhet t’i thotë Tabakut, që kjo e fundit të zej ngushtë Veliajn.

Metaj ka hyrë në mbledhjen e komisionit hetimor në cilësinë e anëtares së AMA, me justifikimin për të ndjekur seancën, për të parë “cilësinë e transmetimit” në media.

Por mesazhet tregojnë se Metaj, e cila deri para disa muajsh ka qenë zëdhënëse e PD, ka qenë prezente në komision për arsye politike.

Me poshtë bisedat e zbardhura:

Biseda 1: Gazetari-Desada Metaj

Andi Tela: Thuaji t’i bëjë pyetjet me argument, nuk i intereson të bëjë zhurmë

Desada Meta: E acaron ky legeni

Andi Tela: Dhe t’i kërkoi vetëm përgjigje për pyetjet, mos e lërë atë të bëjë retorikë

Vetëm m’u përgjigj pyetjes mos devijo me retorikë. Nuk dua retorikë… përgjigju pyetjes, unë pyes t’i duhet të përgjigjes kur merr makinerinë e kamerave e regjisë me vete

Desada Meta: Sapo më mori Taulant Balla dhe më kërkoi që të mos rri pasi nuk lejohet

Andi Tela: Po, po thuaji

Desada Metaj: Po. po. Atë i thashë

Andi Tela: Ti ke shkuar për të parë se si transmetojnë mediat sepse është problem i madh cilësia e transmetimit at

Biseda 2: Gazetari – Desada Metaj

Desada Metaj: Se s’ka faj është lodh

Andi Bushati: S’po e kuptoj këtë firmën e tij, ka firmos këshilli bashkiak për buxhetin por jo për…

Desada Metaj: Sepse nuk përgjigjet. Ja ta thotë tani

Andi Bushati: Dhe thuaj mos i kthejë asnjë përgjigje personale…. Se ai po mundohet ta nxehë dhe ta ngatërrojë.

Pas publikimit të mesazheve, Metaj ka reaguar në FB, ku shkruan se prezenca e saj në Komision ishte shqetësim për maxhorancën mirëpo ajo thekson se do të jetë çdo ditë aty, për të bërë opozitën në këtë qeveri

Postimi i saj:

“Ermonela Felaj, përfaqësuese e Partisë Socialiste në komisionin hetimor të inceneratorëve ka shprehur shqetësimin për prezencën time në këtë komision meqë si e votuar nga parlamenti për AMA-n nuk e lejon ligji.

Pra këta dashnorët e zbatueshmërisë së ligjeve, që me këto ligje kanë vjedh dhe abuzuar miliona euro me inceneratorët u intimidokan nga prezenca ime pa të drejtë fjale… duket që i kanë punët në vijë.

Sa për vendin në bordin e AMA-s, ato janë vende të opozitës dhe i takojnë asaj. Nëse shqetësohen dhe për kaq mund të kërkojnë largimin. Votat i kanë. Ama përgjegjësisë për korrupsionin nuk i shpëtojnë dot!

Sa për të bërë opozitë me këtë qeveri le të qartësohen se do vazhdoj çdo ditë. Nuk i ndihmoj dot hallexhinjtë e inceneratorëve. Madje mund ta vë telefonin tim në dispozicion për të parë komunikimet me të gjithë gazetarët të interesuar për zbardhjen e aferës.

Siç thotë dhe Andi Bushati nuk jemi gazetarë për të mbajtur sekrete por për t’i bërë publike. Good job Jorida Tabaku,“-shkruan ajo.

A mund të mbajë një anëtare e AMA, qëndrime të tilla publike si ky më sipët? Më poshtë është një pjesë nga Kodi i Sjelljes së anëtarëve të AMA.

Lexuesit ta gjykojnë vetë nëse është shkelur:

n.s. / dita