Vuçiç krahason pushtimin rus të Ukrainës me ndërhyrjen e NATO-s kundër Serbisë, Wesley Clark: Asnjë lidhje mes të dyjave

Ish-komandanti Suprem i Forcave Aleate të NATO-s për Evropën, gjenerali Wesley Clark, ka thënë se nuk mund të bëhet një krahasim mes pushtimit rus të Ukrainës dhe ndërhyrjes së NATO në Kosovë.

Clark tha se NATO ndërhyri sepse, Millosheviç kishte nisur spastrim etnik në Kosovë, ndërsa Putin ka ndërmarë veprime ushtarake kundrejt një Ukraine paqësore, vetëm për të ndalur vendimin e saj si vend sonvran nê reshtimin krah Perëndimit.

“Në Kosovë, Presidenti i Serbisë, Millosheviçi, kishte ndërmarrë një fushatë spastrimi etnik të cilën NATO-ja e ndali. Në Ukrainë, njerëzit po kërkonin paqe e demokraci, kur Putini qëllimisht dhe i paprovokuar ndërmori pushtimin, për ta shkatërruar qeverinë ukrainase dhe për ta penguar rreshtimin e tyre krah Perëndimit.

Pra, nuk mund të bëhet kurrfarë krahasimi ndërmjet këtyre dyjave”, ka thënë ai në emisionin “Interaktiv” të KTV-së.

Clark, ka folur edhe për sentimentalizmin mbizotërues në Serbi pro Rusisë. Ai ka thënë se kjo gjë është për të ardhur keq.

“Një pjesë e madhe e njerëzve në Serbi e konsiderojnë veten të lidhur emocionalisht me Rusinë, e kuptoj këtë gjë. I kuptoj edhe lidhjet historike, por mendoj se ta mbështesësh Rusinë për çfarë po bën në Ukrainë është për të ardhur keq. E ardhmja e Serbisë është me Perëndimin dhe shpresoj se njerëzit në Serbi ta kuptojnë një gjë të tillë”, ka thënë ai.

n.s. / dita