Asadi ktheu fatin e luftës në Siri, çfarë janë armët kimike, a po krijon Rusia “flamurin e rremë” për të thyer Ukrainën

Armët kimike janë çdo lloj municioni që mbart toksina ose substanca kimike që sulmojnë sistemin organizmat e gjallë.

Ekzistojnë kategori të ndryshme të armëve kimike:

• Agjentë mbytës si fosgjeni që sulmojnë mushkëritë dhe sistemin e frymëmarrjes

• Agjentë flluskë si gazi mustardë që djeg lëkurën dhe verbon njerëzit

• Agjentë nervorë, të cilët ndërhyjnë në mesazhet e trurit për muskujt e trupit.

Një sasi e vogël e tyre mund të jetë fatale.

Agjentët kimikë mund të hidhen me predha artilerie, bomba dhe raketa. Por të gjitha janë rreptësisht të ndaluara nga Konventa e Armëve Kimike.

Janë përdorur në të kaluarën – në Luftën e Parë Botërore, në luftën Iran-Irak në vitet 1980 dhe së fundmi nga qeveria siriane kundër forcave rebele.

Rusia së fundmi po akuzon Ukrainën për zhvillimin e armëve kimike në laboratorë sekretë.

Ukraina thotë se kjo është qesharake dhe nuk ka as armë kimike dhe as biologjike. Si Rusia ashtu edhe Ukraina kanë nënshkruar Konventën për Armët Kimike.

Pentagoni ka shprehur shqetësimin se duke akuzuar Ukrainën për armët kimike, Rusia është duke krijuar një situatë të ashtuquajtur “flamur i rremë”, të cilën do ta përdorte si një justifikim për të kryer sulmin e saj me armë kimike.

Fakti është që kur ka një luftë të zgjatur si në Ukrainë, në të cilën forcat sulmuese po përpiqen të thyejnë vullnetin e forcave mbrojtëse, atëherë armët kimike janë, për fat të keq, një mënyrë shumë efektive për ta arritur këtë.

Kjo është ajo që bëri Asadi i Sirisë në Alepo.

a.m/dita