“Kur fqinji yt i madh…” Nga buron ky solidarizim me një vend që nuk e ka njohur Kosovën? Ja si përgjigjet Kurti për Ukrainën

Në një intervistë për Associated Press, Kryeministri i Kosovës, Albin Kurti, ka folur për situatën e sigurisë në Kosovë dhe Ballkan, pas shpërthimit të luftës në Ukrainë.

Gjatë intervistës, Kurti është pyetur për mbështetjen e fuqishme të Ukrainës nga Kosova, ndonëse Ukraina nuk e ka njohur pavarësinë e Kosovës.

“Nga buron ky solidarizim me një vend që s’e ka njohur Kosovën?”, është pyetur Kurti nga agjencia e lajmeve Associated Press.

Kurti e ka shpjeguar këtë përkrahje, duke thënë se kosovarët gjejnë ngjashmëri të shumta në situatën e sotshme të ukrainasve, me atë të para një çerek shekulli ku ndodhej Kosova.

“Tek lufta mbrojtëse dhe çlirimtare e popullit të Ukrainës, ne gjejmë shumë ngjashmëri me situatën tonë para një çerek shekulli, kur një fqinj shumë më i madh verior dëshiron të të okupojë, të të shtypë, të të shfrytëzojë, të të diskriminojë, të krijojë aparteid dhe gjithashtu provon edhe gjenocidin, i cili në Kosovë u nis, por u ndalua nga intervenimi i NATO-s, që të mos kishim shfarosje të shqiptarëve në vendin tonë”, ka thënë Kurti për AP-në.

a.m/dita