Presidenti rus Vladimir Putin diskutoi të premten e 18 marsit për konfliktin në Ukrainë me homologun e tij francez Emmanuel Macron.
Putin i shprehu në telefon qasjen e Moskës ndaj një marrëveshjeje të mundshme për ndërprerjen e armiqësive, tha Kremlini.
“Duke reaguar ndaj shqetësimeve të shprehura nga Emmanuel Macron, presidenti rus theksoi se forcat e armatosura ruse që marrin pjesë në operacionin special ushtarak po bëjnë gjithçka që është e mundur për të ruajtur jetën e civilëve”, citon Kremlin-i nga biseda mes udhëheqësve.
Të dy diskutuan gjithashtu negociatat midis Moskës dhe Kiev-it dhe qëndrimin e Moskës se si mund të arrihet një marrëveshje, zbuluan autoritetet ruse, pa dhënë më shumë detaje.
a.m/dita