Një projekt-rezolutë e propozuar nga Rusia për situatën humanitare në Ukrainë nuk u miratua në Këshillin e Sigurimit të Kombeve të Bashkuara të mërkurën në mbrëmje. CNN shrkuan se 2 vende votuan pro, 0 vende votuan kundër dhe 13 vende, përfshirë Shtetet e Bashkuara, abstenuan nga votimi. Për miratimin e rezolutës kërkoheshin 9 vota pro.
Ambasadorja e SHBA-së në Kombet e Bashkuara Linda Thomas-Greenfield foli përpara votimit, duke deklaruar se Rusia po përpiqej edhe një herë të përdorë Këshillin e Sigurimit për të siguruar mbulesë për veprimet e saj brutale.
“Është vërtet e pandërgjegjshme që Rusia do të kishte guximin për të paraqitur një rezolutë që kërkon nga komuniteti ndërkombëtar të zgjidhë një krizë njerëzore që Rusia e krijoi vetëm. Rusisë nuk i intereson përkeqësimi i kushteve humanitare, apo miliona jetëve dhe ëndrrave që ka shkatërruar lufta. Nëse do të kujdeseshin, ata do të ndalonin së luftuari,” tha Thomas-Greenfield.
Ambasadori rus në OKB Vassily Nebenzia foli gjithashtu përpara votimit të mërkurën në mbrëmje, duke pretenduar se projekt-rezoluta e tyre ishte analoge me projekt-rezolutat e tjera humanitare.
a.m/dita