Një shqiptar mesatar, sot, merr një pagë neto prej rreth 4,867 eurosh në vit. Po gjatë të gjithë jetës së tij?
Mosha e pensionit në vendin tonë tashmë është e ndryshme për burrat dhe për gratë, por pritet të barazohet në 67 vjeç në vitin 2056. Për këtë arsye po marrim në përllogaritje një moshë pensioni në 67 vjeç.
Në rast se shqiptari mesatar do të fillonte të punonte që në moshën 18-vjeçare, atëherë do të punonte për plot 45 vite.
Sipas studimeve më të fundit të Bankës Botërore, që janë në linjë edhe me shifrat e sinjalizuara nga Instituti i Statistikave në vendin tonë, një shqiptar mesatar mund të kursejë rreth 27% të pagës së tij.
Pra, në rast se do t`i përmbaheshin këtij rregulli të 27%-shit, atëherë, shqiptari mesatar mund të kursejë rreth 1,314 euro në vit. Përgjatë të gjithë jetës së tij aktive në punë me pagë, kjo shifër ngjitet në rreth 59,130 euro.
Por, pagat ndryshojnë dhe kryesisht tendenca është në rritje. “Scan Intelligence Unit” i ka analizuar shifrat, dhe në bazë të një progresioni rezulton se në fund të 45 viteve punë, shqiptari mesatar do të ketë kursyer vetëm 73 mijë euro.
Ky progresion është i bazuar në ecurinë e pagave që prej vitit 2014, dhe duke i projektuar pagat e rritura deri në vitin 2059, kur, paga mesatare e një shqiptari në muaj, neto, bazuar në termat e rritjes së 7 viteve të fundit, pritet të jetë rreth 669 euro. Pra, një shqiptar mesatar që ka filluar të punojë në moshën 18 vjeçare në vitin 2014, kur të dalë në pension dhe të jetë 67 vjeç, do të mund të ketë kursyer vetëm 73 mijë euro.
Të dhënat i referohen vitit 2020, pra përpara krizës së shkaktuar nga pandemia, dhe sidomos përpara krizës së çmimeve, domethënë me një normë kursimi të pandryshuar me periudhën përpara krizës, në 27%.
Por, pavarësisht se të dhënat i referohen një periudhe disi më të “begatë” për familjet, tregojnë se shqiptari mesatar nuk mund të kursejë dot më shumë se 73 mijë euro gjatë jetës së tij.
Të dhënat i referohen vetëm një përllogaritje të përafërt, maksimale. Pra, është marrë parasysh një vjetërsi pune prej 45 vitesh, që në moshën 18 vjeçare, dhe jo vjetërsia e punës për të arritur pensionin.
o.j/dita
Me kete llogaritje a kane bere familjet kursime per 20 vitet e fundit, te themi 25 mije euro kursime?Se keshtu i bie afersisht, meqe per 45 vjet, sipas shkrimit, arritkan, te kursejne 73 mije euro?! Ata me djersen e tyre, nqs i kane 1000 euro kursime, hajdeni e më peshtyni.
Nje shqiptar MESATAR sot merrka nje page vjetore te konvertuar ne Lek, afro 6 Milion te vjetra, pra 500 mije ne muaj??
Keto jane krejt te pa verteta dhe ekzistojne vetem ne statistika fallco te servirura tek Banka Boterore prej qeverise Rama.
Kushdo qe jeton ne Shqiperi e di mire se pagat 500 mijeshe mujore jane luks vetem i nje pakice dhe shumica shqiptareve “fergohen” me rroga 200-300 mije lekeshe mujore.
Vare ku jeto Misto, nese flet per qytezat dhe qytetthet mund te jene aq, po ketu ne kapitall nuk marrin aq te gjihte perderisa ka levizje automjetesh, pazare neper boutique, ngrenie ne restorante etj.
Si mendon ti se me 20K ja dilet??
Kjo eshte kur punon ne shtet. Kush punon privat fiton shume shume me teper.
Kjo shifer eshte cmenduri. Te punosh dhe te mos e terheqesh pagen fare, pa harxhuar per ushqim dhe veshje. Nese behet fjale per politikanet shifra 73 mije euro eshte shume pak kursim.
Zbrisni me kembe ne toke. Populli ska buke ju llogarisni kursime. Hajde te mencur.