Mediat serbe kanë raportuar se Britania e Madhe është duke e furnizuar me armë Kosovën. Ky dyshim i pakonfirmuar nga autoritetet britanike dhe kosovare, duket se ka shqetësuar shumë Serbinë, e cila në anën tjetër për vete po armatoset nga të katër anët.
“Javelin” është një prej armëve më të sofistikuara në botë, që përdoret për shkatërrimin e tankeve. Bartet në supe dhe qëllon në mënyrë automatike, duke i mundësuar bartësit që të mbrohet dhe të evitojë kundërgoditjen.
Duke përdorur një profil të harkuar në krye, Javelin ngjitet mbi objektivin e tij për shikueshmëri të përmirësuar dhe më pas godet aty ku caku është më i dobët. Për të qëlluar, gjuajtësi vendos një kursor mbi objektivin e zgjedhur. Njësia e lëshimit të komandës më pas dërgon një sinjal të kyçjes përpara lëshimit të raketës.
“Javelin” mund të gjuaj në mënyrë të sigurt nga brenda ndërtesave ose bunkerëve. “Javelin” është konceptuar dhe prodhuar nga Ushtria Amerikane dhe një e tillë sipas të dhënave në Wikipedia, kushton mbi 200 mijë dollarë amerikanë.
Sipas medias serbe Novosti, presidenti Aleksandar Vuçiç do të kërkojë llogari nga kryeministri i Britanisë së Madhe, Boris Johnson për furnizimin e Kosovës me këto armë dhe trajnimin e ushtarëve të FSK-së për përdorimin e tyre.
Gjatë ditës se premte, misioni i KFOR-it në Kosovë njoftoi që në Aeroportin e Prishtinës zbarkoi një aeroplan i Forcave Ajrore të Mbretërisë së Bashkuar, për të kryer një operacion ndihmës për forcat tokësore britanike që shërbejnë në Kosovë në kuadër të KFOR-it. Avioni ishte i llojit “A400M Atlas”.
Në këtë njoftim nuk është dhënë ndonjë informacion, si ky që transmeton media serbe, e me gjasë edhe presidenca serbe.
i.b. / dita
20 mije euro kush ben nje Vic
Kosova me 200 mij dollar pjesa duhet te blej nja 200 cop nga kta kundertanket anglez , dhe 200 dron bajraktar qe te siguroj sovranitetin , ne te kundert pisk e ka me armatojen e ushtris serbe , duhet te blej dhe nja 50 kundrajror te fundit , ateher do flen rahat kosovaret , por edhe duhet te qendrojn aty te luftojn mos ikin siç ben ne 99ten , flas per burrat ne mosh per luft , se kta te LDKs po ja beri lufta bam e kan huq ikin nga te munden te shpetojn bythen , dhe mblidhen mas çlirimit te ndajn pushtetin me vot , siç ben gjat luftes kosoves , dhe çesht me e forta se kta qe largohen jan me te shumt se kta qe luftojn , dhe kur vjen puna te ndahet pushteti me vot te marin dhe drejtimin e vendit , siç ben dikur .
Furnizimet me arme kane ere te forte benzine 😉 !
Pse avionet Kinez qe furnizuan Serbine kaluan mbi hapsiren ajrore te NATO-s !?!?
Me sa duket vici ka ne plan te fusi tanket ne Kosove perderisa shqetesohet per kundratanket anglez!