Pas thuajse dy orësh në det të hapur ankorohet në portin detar të Vlorës trageti i linjës Vlorë-Brindisi- Vlorë i cili mbërriti në orën 15:30 në portin e Vlorës dhe për dy orë qëndroj në det të hapur.
Kujtojmë që pasagjerë kanë që prej orës 06:00 të mëngjesit që qëndrojnë në det pas në orën 6 të mëngjesit u nisën prej Brindisit
Moti i keq ka përfshirë bregdetin e vendit sot duke krijuar vështirësi në ankorimin e trageteve dhe vonesa të tyre.
Probleme janë paraqitur edhe në Durrës ku Autoriteti Portual ka njoftuar se , trageti i linjës Ankona- Durrës “AF Marina” që ishte parashikuar të mbërrinte mesditën e sotme në Portin e Durrësit, ka hasur vonesa dhe vështirësi në lundrim, prandaj pritet të mbërrijë në orët e para të ditës së nesërme.
Njoftimi i plotë
Për arsye të motit të paqendrueshëm, trageti i linjës Ankona- Durrës “AF Marina” që ishte parashikuar të mbërrinte mesditën e sotme në Portin e Durrësit, ka hasur vonesa dhe vështirësi në lundrim, prandaj pritet të mbërrijë në orët e para të ditës së nesërme(dt.23.4.2022). Për rrjedhojë, po ky traget(Af Marina), nuk do të kryejë lundrimin sipas itinerarit që kishte planifikuar për mbrëmjen e sotme, por pritet të niset nesër rreth orës 11:00 drejt Barit(Itali).
Ndërkohë do të vijojnë normalisht lundrimin tragetet:
– “Rigel VII” nisje e parashikuar rreth orës 23:00 drejt Barit;
– “AF Claudia” nisje e parashikuar rreth orës 17:00 drejt Ankonës.
Jemi në monitorim të vazhdueshëm të situatës.
a.m/dita