Ish-kapiteni i kombëtares shqiptare, Altin Lala, pritet të kthehet tek ekipi gjerman i Hanoverit, kësaj radhe në rolin drejtues. Lajmi bëhet i ditur nga një media gjermane, e cila ka intervistuar Lalën.
Ky i fundit nuk e ka mohuar faktin që ka një interesim nga ana e drejtuesve të ekipit, në të cilin luajti për 14 vjet, madje dhe kapiten.
Aktualisht, Lala është pjesë e Bajern Mynih II, por mesfushori i ka dhënë fund zyrtarisht karrierës së tij futbollistike, pasi pësoi një tjetër dëmtim serioz në fillim të këtij sezoni. / Lajmesport.com