I nderuar lexues! Mbrojtja e Hotit dhe e Grudës ishte veprimi i dytë luftarak për mbrojtjen e tërësisë territoriale të Shqipërisë, i organizuar nga Lidhja Shqiptare e Prizrenit. Mbrojtja e Hotit dhe e Grudës që Fuqitë e Mëdha kishin vendosur t’i përfshinin në shtetin malazez, vazhdoi nga muaji prill deri në gusht 1880. Forcat malazeze përbëheshin prej rreth 10.000 ushtarë e oficerë, ndërsa ato shqiptare arrinin rreth 9.000. Betejat kryesore u zhvilluan në 22-25 prill dhe 13-28 korrik. Si rezultat i qëndresës shqiptare, Mali i Zi hoqi dorë nga përpjekjet për të pushtuar Hotin dhe Grudën.