Komisariati i Policisë Nr. 1 në kryeqytet njoftoi dje se ka identifikuar autorin e grabitjeve të dhunshme të ndodhura mbrëmjen e së shtunës brenda një ore, afër qendrës. Bëhet fjalë për kërcënimin me armë dhe vjedhjen me dhunë të dy butikëve. Në kërkim është shpallur Emilent Dhepa, 34 vjeç, banues në Tiranë, ndërsa dëshmitë dhe pamjet filmike mundësuan identifikimin e tij. I riu mori një sasi lekësh dhe lëndoi një prej shitëseve afër zonës së Parlamentit.