Konfliktet e vazhdueshme për tapitë e tokave të trashëguara në familje është bërë shkak që situata të degjenerojë deri në kërcënim me jetë. Policia vendore njoftoi se mori denoncim dhe nisi hetimet në gjendje të lirë ndaj V. A., 44 vjeç, për veprën penale të “përdorimit me keqdashje të thirrjeve telefonike”, pasi dyshohet se ka kërcënuar në telefon për motive pronësie në fshatin Kraps, motrën e tij që banon në këtë fshat. Pas verifikimeve të kryera dosja i kaloi prokurorisë vendore.