Bel: Nuk i thamë “jo” perspektivës europiane të Shqipërisë

Presidenti i Senatit të Francës, Jeane Perre Bel, ndodhet për një vizitë zyrtare në Tiranë. Ai është pritur sot paradite në një takim nga kreu i Kuvendit, Ilir Meta.

Në fund të takimit, të homologët dolën në një konferencë të përbashkët shtypi. Presidenti i Senatit të Francës, Jean-Pierre Bel, u shpreh se “Franca nuk i ka thënë jo perspektivës europiane të Shqipërisë, por ka kërkuar vijim të axhendës së saj europiane”. Ai theksoi se  Shqipëria duhet të krijojë kredibilitet në rrugën e saj të integrimit për të larguar pikëpyetjet dhe dyshimet që kanë vendet e BE-së.

“Franca nuk i ka thënë jo perspektivës europiane të Shqipërisë.  Me shtetet e tjera të BE-së u vendos  që Shqipëria të vazhdonte axhendën e saj europiane. Është e nevojshme që Shqipëria të krijojë kredibilitet në rrugën e saj të integrimit.  Kjo shërben për të forcuar marrëdhëniet mes vendeve aspirante. Ne kemi thënë që të vazhdojmë së bashku dhe kemi një takim në muajin qershor. Është e vërtetë që në gjirin e BE-së ka disa pikëpyetje dhe dyshime për vështirësistë. Ne synojmë që ti orientojmë vendet aspitante në fuqizimën e ekonomisë së tyre. Nuk veprojmë me asnjë grup ekstremist dhe çdo vendim e marrim jashtë këtyre grupeve ekstremiste” tha ai.

Kreu i Senatit francez do të takohet sot edhe me krerët të tjerë të lartë të vendit: presidentin Nishani, kryeministrin Rama dhe kreun e opozitës, Basha.