“Arratisja nga Burgu i Drenovës na ka bërë që ta kthejmë atë në model për burgjet e tjera në vend për sa i përket masave”. Kështu është shprehur Drejtori i Përgjithshëm i Burgjeve, Artur Zoto, pas inspektimit në Burgun e Sigurisë së Lartë të Drenovës për të cilin tha se ishte një shkëmbim eksperience edhe me drejtues të tjerë të burgjeve në vend. Zoto theksoi se në takim është biseduar edhe për amnistinë, nga e cila do përfitojnë 950 të burgosur në gjithë vendin. Janë dhënë direktivat për të gjithë përfituesit e amnistisë.