Viola zbulon sekretin e banorëve të BB

 Viola ka zbuluar disa sekrete të banorëve që janë në shtëpi gjatë një bisede me një nga banorët e rinj të “Big Brother Albania”, Zhakun. Ajo merr guximin dhe i tregon se ajo dhe Meridiani njiheshin përpara se të bëheshin pjesë e këtij reality, por i është lutur që mos të fliste me askënd brenda shtëpisë për këtë fakt. Viola ka vijuar bisedën, duke i treguar Zhakut gjithashtu që mendon se të tjerë banorë njihen që përpara se të bëheshin pjesë e “Big Brother”, por ende nuk kanë folur asgjë për këtë. Ndonëse banorja nuk ka përmendur emra, ajo është dukur mjaft e qartë dhe e sigurt për njohjet që banorët mund të kenë me njëri-tjetrin. Më pas Viola ka folur për dyshimet që ka rreth Meridianit dhe lojës që po mundohet të bëjë ai me Esidën, ndërsa i kërkon edhe Zhakut që të jetë i vëmendshëm. Vajza polake ka thënë se disa nga banorët dyshojnë tek inteligjenca e saj. Ajo thotë se arrin t’i kuptojë shumë mirë të gjitha situatat, por fakti që nuk shprehet dot shumë qartë në shqip, bën që të tjerët të dyshojnë për të.