Partia Demokratike e ka quajtur jo rastësore arratisjen e 7 të dënuarve nga burgu i Drenovës, duke akuzuar qeverinë se ka emëruar në krye të burgut militantin e saj, i cili ndiqej penalisht nga Prokuroria për krim elektoral. Në një deklaratë për mediat, deputeti Arben Ristani deklaroi se : “Arratisja e të dënuarve me burgim të përjetshëm nga Drenova nuk ishte rastësi, tha Ministri i Brendshëm, Tahiri. Dhe kjo është e vetmja e vërtetë që kjo qeveri dhe këta ministra kanë deklaruar deri më tani në lidhje me shkaqet që sollën ngjarjen më të rëndë të burgjeve tona në gjithë këto vite”.