Anësorët e frikshëm të Real Madridit, Cristiano Ronaldo dhe Gareth Bale, do ta mbështesin sulmuesin Karim Benzema në përballjen e parë çerekfinale të Ligës së Kampionëve kundër Borussia Dortmundit.
Siç paralajmëruam, Angel Di Maria do të mungojë, ndërkaq në vend të tij është angazhuar Isco.
Tek skuadra e Dormund, mungesa kryesore është ajo e sulmuesit Robert Lewandowski.
Kujtojmë që në ndeshjen e parë gjysmëfinale të sezonit të kaluar në Gjermani, polaku i pati shënuar katër gola në portën e Mbretërve.
Formacioni i Real Madrid: Casillas, Carvajal, Pepe, Ramos, Coentrao, Alonso, Modric, Isco, Ronaldo, Bale, Benzema.
Banka rezervë: Lopez, Varane, Casemiro, Nacho, Morata, Illarra, Jose.
Formacioni i Borussia Dortmund: Weidenfeller, Piszczek, Sokratis, Hummels, Durm, Kehl, Sahin; Grosskreutz, Mkhitaryan, Reus, Aubameyang.
Banka rezervë: Langerak, Friedrich, Kirch, Jojic, Hofmann, Schieber, Ducksch.