Lëkundjet e tokës kanë ngritur në këmbë mijëra banorë të fshatrave të zonës naftëmbajtëse të Marinzës, që akuzojnë kompaninë “Bankers” dhe kërkojnë largimin e saj. Banorë të Belinës, Sheqishtës, Zharrzës, Rokovecit, Kumanit, Vidhishtës, janë mbledhur para pikës së peshimit të autoboteve, duke bllokuar rrugën. Po dje reagoi edhe ministri i Energjetikës, Damian Gjiknuri, që deklaroi se kanë nisur verifikimet për shkaqet.