Në Gjykatën e Tiranës është zhvilluar seanca gjyqësore ndaj kreut të Bashkisë së Kamzës Xhelal Mziu dhe dy zyrtarëve të tjerë. Kreu i bashkisë së Kamzës Xhelal Mziu dhe dy zyrtarët e bashkisë Bujar Loshi dhe Atli Hoti akuzohen për shpërdorim detyre dhe abuzim me tenderat.
Në seancën e sotme, gjykata pranoi provat e të gjitha palëve ndërsa ka ndryshuar edhe masën e sigurisë ndaj drejtorit juridik të Bashkisë së Kamzës, Atli Hoti nga “arrest shtëpie” në “detyrim paraqitje”. Prokurorja e çështjes paraqiti emrat e 15 dëshmitarëve të akuzës, që sipas saj, do të provojnë, se Mziu dhe dy të pandehurit e tjerë kanë konsumuar veprën penale të ‘shpërdorimit të detyrës. Më 11 prill, seanca vijon me pyetjen e 6 dëshmitarëve të parë të akuzës.