Ministri i Drejtësisë, Nasip Naço, tha sot se do të kërkojë nga Prokuroria ashpërsim të dënimeve për veprat e rënda penale. Naço tha se kohët e fundit ka pasur rritje të kriminalitetit tek të rinjtë.
“Duke filluar nga Janari 2014 në drejtësinë shqiptare do të ketë një klimë të re. Do i drejtohemi Prokurorisë së Përgjithshme dhe do i kërkojmë një ashpërsim të dënimeve për veprat e rënda penale dhe kur është mundësia aplikimin e dënimeve alternative”, tha ministri i Drejtësisë.