“E di sa do vuani ju? Ç’keni për të heq ju të fortët me mua. Beni kështu se do ta dëgjoni krismën. Unë po vij dhe vajzën s’e shikoni më. Do ta rrëmbejnë!”. Kështu ka shkruar një 26-vjeçar që nuk e ka duruar ndarjen nga e dashura e tij e mitur, me të cilën ishte njohur në Facebook dhe ka kërcënuar me SMS prindërit e saj. Të trembur, dy bashkëshortët denoncuan në policinë e kryeqytetit dhe pas arrestimit të T. M., Gjykata e Tiranës e shpalli fajtor për “përndjekje” dhe e dënoi me 1 vit e 4 muaj burg me gjykim të shkurtuar.