Vargje për radarët e opozitës

 Vargje të nënshkruara

Ismail Xhaferi

 

Nuk pushon kori mjeran

Ashtu si ka bërë gjithmonë

Në Kardhiq, Divjakë e Gjadër

Plasi droga me avionë.

 

Plot avionët me hashash

Shkojnë gjer’ në anë të anës

Siç lëviznin karkalecat

Në kohën e Jemin Gjanës.

 

Lëviz droga me kamiona

Obobo, po bëhet nami

Nuk janë parë kaq shumë aviona

As kur na pushtoj ‘taliani.

 

Drogë andej e drogë këndej

Qeveria në klasë ngeli

Turp të kenë ata të NATO-s

Turp të ketë Mimi Kodheli.

 

Turp të kenë ata të NATO-s

Që s’shohin në mes të ditës

Dhe avionat i zbulojnë

Radarët e opozitës…

 

Luli Basha shfaqet shpesh

Si kërpudh’ kur pushon shiu

Del lexon në një copë letër

Ç’i ka thënë baba Saliu.

 

Shpif o Luli shpif e nxi

Ke detyra të mëdha

Se nga shpifjet doemos

Që do mbetet prap’ diçka.

 

Në Kardhiq çuditen njerëzit

“Opozitë të hëngërt tënja”

Se ke nisur të ngatërrosh

Aeroplanët me mëllënja.

 

Në Kardhiq çuditen njerëzit

Ç’përrallis mor’ zotni Basha

Se këndej në këto anë

Mezi ulet dhe laraska.

 

Në Kardhiq ka ca blegtore

Ngastra toke, një pyll rrapi

Do jenë ulur ca avionë

Mbi kurriz të ndonjë cjapi.

 

Por nga ty o Lul’i Salës

Kurrë nuk thuhet e vërteta

Ju dhe çadrat në mitingje

I kthyet në pistoleta.

 

Kot që shpifni, kot trilloni

Se nuk del asgjë prej hiçit

Arkitektët e Gërdecit

Ju ortakët e Fazlliçit.

 

Koha juaj ka perënduar

Deti nuk bëhet më kos

Juve nuk doni rilindje

Keni lindur për kaos.