Hoffman: Trafiku i drogës, problem që ekziston prej kohësh në Shqipëri

Ambasadori gjerman në Shqipëri, Helmut Hoffman, ka shiegjetuar PD-në në lidhje me akuzat për trafikun e drogës.

Duke folur për emisionin “Diplomaticus”, ai ka thënë se trafiku i drogës në Shqipëri ekzistone para qershorit, ndërkohë që qeveria aktuale ka rritur nivelin e kapjes së lëndëve narkotike.

“Nuk ka filluar në shtator të vitit të kaluar, por ka vazhduar për një kohë të gjatë. Është cështje shqetësuese sepse ndikohemi në mënyrë direkte të gjithë nga kjo cështje. E vlerësoj që qeveria shprehet se ka rritur nivelin e kapjes së drogës dhe mendoj se do të ishte cështje besimi dhe do ishte interesante që kjo drogë e kapur të shkatërrohet nën vëzhgimin e ndërkombëtareve. Policia duhet të bëjë punën e saj. Unë nuk jam detektiv, por jam informuar nëpërmjet mediave. Dhe i kam bërë pyetjen vetes, a është ide kaq e mirë që kjo cështje kaq delikate të shtrohet në publik apo në ambientin politik. Kjo cështje duhet të jetë e depolitizuar.

Nëse nuk keni tregues apo indikatorë shumë të fortë që forcat politike janë të përfshira, do të tregohesha shumë i kujdesshëm për të akuzuar dikënd sepse këto jane akuza shume te forta. Mund të bësh pyetjen se cfarë po ndodh këtu apo atje, por në përgjithesi duhet lënë policia që të bëjë punën e saj. Nuk duhet shndërruar në një lojë futbolli.

Kjo është një tendencë që e kam vënë re që kur kam nisur punën si ambasador i Gjermanisë në Shqiperi, vecanërisht javët e fundit ka një tendencë për të skandalizuar gjithcka duke e kthyer në cështje politike të brendshme”, tha ambasadori gjerman.