Kur u përhap Krishterimi në Shqipëri?

I nderuar lexues!

Në Shqipëri krishterimi njihet në dy degët e tij: ortodoksizmin dhe katolicizmin. Filloi të përhapej në Iliri që në shek.I e.r. si fe ilegale. Me njohjen e tij zyrtare në gjysmën e parë të shek.IV nga shteti skllavopronar romak, u krijuan edhe institucionet e krishterimit: kishat dhe manastiret dhe njëkohësisht hierarkia e tij: peshkopët, kryepeshkopët, abatët me dioqezat e tyre. Mbas ndarjes së Perandorisë Romake në dy pjesë, ortodoksizmi përfshiu pjesën dërrmuese të popullsisë. Me pushtimin osman dhe përhapjen e islamizmit, krishterimi pësoi goditje të rëndë ekonomike e politike.