SHËNIM: Fabula e frikshme e “litarit jashtë”

Ajo ç’ka bën muuu prej zhvillimeve politike pas rotacionit qeverisës, është pikërisht skema e lënies së litarit jashtë nga ana e Sali Berishës, një litar që i është bërë sidomos lak në qafë sistemit të drejtësisë, që përbën dhe shtyllën kurrizore të një shteti, zgjidhja e njëherësh ngërçi i shumë punëve. Por çështja shtrohet nëse ky është një “litar” i qeverisjes së Berishës të viteve ‘2005 – ‘2013 apo një lloj “litari” që zgjatohet më thellë akoma, para vitit 1991?! Me çfarë ka ndodhur në 20 vjet, ku e qarta është përzjerë aq shumë më misterin, ku më shumë se e keqja reale të mundojnë pikëpyetjet e shumta se si ka ndodhur ajo, si është përhapur, si e ka kapluar këtë vend, të ngjan se vërtet një forcë e dukshme dhe e padukshme njëherësh dhe me një kamuflim mjeshtëror, ka arritur të marrë hak e të sundojë gjithashtu, me qëllimin final që nëpërmjet shkaktimit të sa më shumë dështimeve, brengave e vuajtjeve,  njerëzve t’u neveritet ky sistemi tjetër që kërkuan me të madhe. Edhe në mos qoftë vërtet kështu, Sali Berisha ia ka arritur bukurmirë t’i japë ca nuanca drite Enver Hoxhës, siç mjeshtërisht po punon me skemën e litarit jashtë, që t’i lëshojë rreze drite vetes për t’ua neveritur njerëzve pas-23 qershorin! / E.H.