Progres-raporti i Komisionit Europian për Shqipërinë do të publikohet më 3 Qershor, ndërsa një ditë më pas Komisioneri për Zgjerimin Stefan Fyle do të zhvillojë një vizitë me takime të nivelit të lartë në Tiranë, ku do të dorëzojë zyrtarisht edhe progres raportin. Kjo është axhenda e Komisionit Europian për marrjen e statusit të vendit kandidat për Shqipërinë.
Sipas A1 Report, vendimi përfundimtar për marrjen ose jo të statusit të vendit kandidat nga Shqipëria, Komisioni Evropian do ta japë më 23 qershor. Vendimi për marrjen e statusit të vendit kandidat për vendin, vjen pas shtyrjes së këtij vendimi në dhjetor, pasi sipas KE-së kishte akoma punë për t’u bërë nga Shqipëria në luftën ndaj korrupsionit, sistemit të drejtësisë etj.