Ble 13 kg mish te një kasap në Patos Fshat të Fierit dhe e paguan me 200 euro të falsifikuara. Denoncimi është bërë nga S. S., 21 vjeç, dhe ngjarja ka ndodhur dy ditë më parë. Kasapi ka dëshmuar se një person i ka shkuar me makinë duke kërkuar 13 kilogramë mish pasi kishte sebep dhe në mungesë të parave shqiptare i ka thënë që t’i jepte euro. Shitësi ka pranuar dhe bilanci rezultoi se valuta nuk ishte e saktë. Ai e ka denoncuar autorin e panjohur duke dhënë karakteristikat fizike.