Jozi flet për vrasjet e gjakmarrjes

Jozefina Topalli është shumë e indinjuar sepse një qytetar për hasmëri është vrarë në Shkodër. Si një deputete e Shkodrës ajo thotë se është e pafalshme që vritet njeriu në oborr të shtëpisë për gjakmarrje. Edhe pse doli me një rezultat skandaloz në atë qytet Jozefina sërish bën politikë me qytetarët shkodranë. Por janë ndjekësit e saj në Facebook që s’janë fare dakord me të. “E vlerësoj shumë këtë status, dhe të gjithë duan rend dhe qetësi në këtë vend. Po nuk duhet të lëshoni lot krokodili sepse në këto 22 vite demokraci në Shqipëri 13 vite keni qenë ju në pushtet, dhe ai 40-vjeçari në Shkodër ka qenë i ngujuar sepse ju s’keni pasur fuqi që të bëni shtet dhe askush të mos vras për gjakmarrje. Është e papranueshme për ne si qytetar që ju të thoni gjëra që nuk shkojnë kur nuk jeni më në pushtet. A e di ti zonjë që në këto vite s’keni bërë asgjë për gjakmarrjen, por asgjë fare. Prandaj përpara se të bëni si gazetare e kronikes së zezë është mirë të pyesni veten për përgjegjësitë tuaja”, shkruan R.K në Facebook-un e Topallit.