Gianni de Biasi trishtohet sa herë që sheh ndeshje të Botërorit pasi shumë prej lojtarëve që po shkëlqejnë në Brazil mund të kishin luajtur për Shqipërinë.
Ky është mendimi i gazetës sportive katalanase ‘El Mundo Deportivo’, që me anë të një artikulli thekson se “vendi i vogël europian me 3 milionë banorë është një “fabrikë” futbollistësh që përdoren nga federata dhe vende të tjera”.
“Në Kupën e Botës janë prezentë futbollistë të shkëlqyer që mund të luanin në një kombëtare si Shqipëria, që kurrë nuk është kualifikuar në një Botëror apo Europian”, lexohet në artikull.
Shaqiri, Januzaj, Granit e Taulant Xhaka, Xhemaili dhe Admir Mehmedi janë 6 lojtarë që sipas ‘El Mundo Deportivo’-s do e bënin Shqipërinë një “kombëtare të mirë”.
Shyqyr qe keta cuna sportiste te shquar nuk luajne me Shqiperine, ndryshe do kishin perfunduar si keta larot tane, qe jo vetem nuk dine te luajne, por me FSHF ne krye bejne pazare.
ke harruar Shkodran Mustafi, Gjergji Kone, Valon Behrami ….. etj.
Mos u merrni kot me keto lajme, per mendimin tim futbollistet me origjine Shqiptare bejne mire qe lozin jashte pasi memedheu nuk ju garanton asgje, as pjesemarrje ne keto kompeticione pasi dihet shume mire se edhe po te kishin ardhur me Kombetaren Shqiptare perseri shitja e ndeshjeve do te vazhdonte rregullisht dhe Shqiperia do mbetej edhe njehere jashte kompeticioneve si Kupa e Botes dhe e Europes do mbetej. Te pakten i kane bere nje nder ketij vendi se tashme vleresohet nga mediat e huaja si nje vend i vogel me futbollist te medhenj.