Për herë të parë një ansambël rinor harqesh nga Shqipëria udhëtoi drejt kryeqytetit të Gjermanisë, për të marrë pjesë në koncertet e “Festes Rinore të stinës së verës në Berlin”. Orkestra Rinore e Harqeve “Tirana”, e dirigjentit Bujar Alliu u ftua nga Johannes Luçhesi dirigjent i Orkestrës së të Rinjve të Berlinit për të marrë pjesë në këtë festë rinore gjatë të cilës të rinjtë shqiptare dhe berlineze performuan së bashku. Gjatë ditëve të festivalit u promovuan edhe të rinjtë e talentuar të “Tiranës”, violinistet Marsiona Bardhi, Lorela Miha, Dasildo Sinanaj, Uendi Reka, Erind Haxhiasi, Eni Maqellari, si dhe violonçelisti 10 vjeçar Klaudio Zoto. Solistët shqiptarë në debutimin e tyre artistik me vepra shqiptare dhe botërore realizuan një performancë të shkëlqyer duke pasqyruar gjendjen dhe zhvillimin evropian që mbizotëron aktualisht në Shqipëri. Artistët shqiptarë u duartrokitën gjatë e në mënyrë të zjarrtë veprat e kompozitoreve shqipetare si :“Moto Perpetum “ për violin solo dhe Orkestër, e luajtur nga Dasildo Sinanaj dhe Erind Haxhiasi. Me shumë emocione dhe eufori u prit edhe loja e sigurtë e “Sonatins” së Ymer Skënderit e luajtur nga 10 vjeçari Klaudio Zoto, si dhe Eni Maqellari në kadencen e Koncertit të mirënjohur për “Harqe”, të Pjetër gacit. Pjesë e këtij koncerti u bë edhe zëvendësamdasadori shqiptar në Berlin Sokol Bushati. Qendra Kombëtare Orkestrale e Korale “Mers@rt” synon vazhdimësinë e këtij bashkëpunimi dhe shkëmbimi kulturor në të ardhmen, duke arritur kështu promovimin e të rinjve të talentuar shqiptare, si dhe duke promovuar vlerat kulturore shqiptare në shumë vende të evropës.