Vargje të nënshkruara
Kapo Labi, Vlorë
O Ditë, se më griu meraku
Seç kanë dalë ca kurtizane
Po të ishte gjallë Balzaku
Do t’i fuste në romane.
Janë kontigjent i rrallë
Nga shefi i tyre kanë ngjarë
Njëra të jep plumbin ballit
Tjetra në palma të var.
Biondina nga Peshkopia
Stërmbesë e Halil Alisë
Bashkëpunëtorit të gjermanit
S’na njeh ditën e lirisë.
Ne presim festën e madhe
Shtatëdhjetë vjet në liri
Deputetja mendjehollë
Thotë at’ ditë të mbajmë zi.
O shoqe e qerbes time
Që s’gjete një herë karar
Udhëheqësi i asaj lufte
S’ka se si quhet tradhtar.
Liria zbriti nga malet
Spërkatur me gjak rinie
Bij e bija shqiptarësh
Mbuluar me fllad lavdie.
Ata patën një të parë
Që u priu në fitore
Kurse ke ti një kusar
Që ty të përdor si qole.
Fundi i pjesës së parë. Nga Kapo Labi, Tërbaç, Vlorë.