Mesila e pakënaqur nga Luli

Mesila Doda ngre pikëpyetje për bashkëpunimin e Bashkisë së Tiranës me Prefekturën për mbylljen e Tregut tek  ish-uzina “Dinamo”. Ja si shprehet Doda në FB: “Opozita nuk do të jetë në Parlament, në shenjë mospajtimi ndaj pranisë dhe fuqisë së krimit në Parlamentin e Shqipërisë. Sot një grup i përbashkët nga Prefektura  dhe Bashkia e Tiranës kanë ndërhyrë për të hequr nga ambientet e ish-uzinës “Dinamo” tregtarët që ushtrojnë aktivitetin e tyre në këtë ambient. Personalisht nuk kam qenë ndonjëherë pro këtyre strukturave të shërbimit, por ajo çka sot nuk ia gjej dot përgjigjen dhe që është një pikëpyetje e madhe për mua personalisht është kjo: cili element bën që të gjendet menjëherë një gjuhë e përbashkët e forcave politike kundërshtare, një gjuhë që nuk mund të gjendet në Parlament e as në struktura të tjera institucionale, veçanërisht në këto momente?”, përfundon Mesila. Mirëpo komentuesit nuk e kanë lënë me kaq, duke shkuar edhe më tej me kritikat. Një prej tyre thotë se partia tashmë drejtohet nga Erion Isufi, që është kunat i Lulzim Bashës. “Po normal se PD e udhëheq Erioni tani”, shkrua T.B në faqen e Mesilës. Sa i rrezikshëm paska qenë ky kunati, të gjithë e dinë se PD-në e drejton Berisha…Sa të thella janë këto punë!