Një i mitur ka mbetur i plagosur rëndë pasi ka rënë nga një lartësi prej rreth 3 metra në oborrin e lagjes së quajtur, “Pallatet e Malejzanit” në Tiranë. Ngjarja ndodhi mesditën e djeshme kur 10-vjeçari Genci. H. kishte hipur në një kafaz për pëllumbat, në brëndësi të bllokut të pallateve, por ka humbur ekulibrin, duke rënë nga rreth 3 metra lartësi. Banorët i kanë dhënë ndihmën e parë 10 vjeçarit, ndërsa është transportuar me urgjencë për në spital nga ku mësohet se ndodhet jashtë rrezikut për jetën.