I nderuar lexues! Kryengritja e Himarës (1690) ishte një nga kryengritjet e vazhdueshme të krahinave shqiptare për të hedhur poshtë sundimin osman. Forcat himariote, duke shfrytëzuar rrethanat e krijuara gjatë luftës venediko-osmane, kur Venediku përpiqej të pushtonte qytetet bregdetare të Shqipërisë, sulmuan garnizonet e kalasë së Kaninës dhe të qytetit të Vlorës të cilat i morën pas disa ditë luftimesh. Pas 6 muajsh, forcat osmane të Vlorës në bashkëveprim me forcat ushtarake të sanxhakbeut të Shkodrës, gjithsej 6000 veta, mundën të ripushtonin Kaninën dhe Vlorën.