Procedohet penalisht kryeplaku i fshatit Kuzhnen të Pukës. Procedimi penal në gjendje të lirë ndaj Gj. Sherrit, 47 vjeç, filloi pasi gjatë kontrollit të ushtruar nga policia në vendin e quajtur “Bjeshkët e Kuzhnenit”, u gjetën dhe sekuestruan 1200 rrënjë bimë narkotike kanabis sativa, të cilat u asgjësuan me anë të djegies. Nga ana e bluve po punohet për identifikimin dhe kapjen e autorëve, ndërsa materialet iu referuan Prokurorisë për ndjekje të mëtejshme. Edhe në Vlorë, në vijim të operacionit antikanabis, blutë kanë zbuluar dhe asgjësuar përmes djegies 438 rrënjë kanabis.