Policia vendore ka ndërmarrë një operacion kundër gjuetisë së paligjshme pas “Moratoriumit” që u miratua në Parlament, në zonën e Karavastasë, pyllin e Semanit si dhe në vendin e quajtur “Godulla”. Gjatë mesnatës së enjte, duke zbardhur dita e djeshme, kanë lokalizuar një të dyshuar në këtë zonë duke e ndjekur, por pa mundur ta kapin. Gjatë kontrollit gjetën një armë gjahu çifte, 7 imitues zogjsh, 1 bateri, një motorçikletë. Nga verifikimet e bëra rezultoi se arma e gjahut i përket të dyshuarit Sejdi Genica, banor i fshatit Dërmenas, që po procedohet.