Vazhdojnë metastazat e Berishës

Letër e nënshkruar në DITA

I dashur staf i gazetës popullore “Dita”. Ju lexoj përditë dhe më shtoni jetën, me të vërtetat që publikoni në faqet e gazetës suaj me tërë mend të artë e të lexueshme nga të gjithë njerëzit e ndershëm. Por mos harroni se unë që po ju shkruaj jam edhe kritik ndaj jush sepse ju dua më të mirë, më të fortë, më të paepur. Unë ju kam shkruar ngaherë që duhet bërë një luftë e paepur dhe pakompromis ndaj fenomenit kanceroz Berisha. Metastazat e sëmundjes kanceroze të Berishës po përhapen më tepër tani që është në opozitë. Partizani më i thekur për të mbrojtur pisllëqet, vjedhjet e padrejtësitë është Berisha dhe stafi i tij si bisht kandili. Hajduti pëllet “kapni hajdutin”, vrasësi tregon me gisht të tjerët si vrasës, autori i kushedi sa krimeve akuzon të tjerët për krimet e tij. Lutemi punoni sa më tepër me fakte e argumentë të zgjohet e të nakatoset Dhalla për ta marrë si të pandehur e për ta karfosur pas hekurave. Vetëm kështu luftohen dhe zhduken metastazat e kancerit berishian dhe Shqipëria vihet në binarët e qetësisë, të dashurisë dhe të punës së ndershme e me djersë. Vetëm po u mbyll ai pas hekurave do të nisë Shqipëria përsëmbari. Përshëndetje, Xhezmi Qamo, Vlorë.