Stalla për shqiptarët, saraje për vete

Gjatë 22 viteve në politikë e në pushtet, “berishët” kanë lënë shumë gjurmë në shoqërinë, shtetin, politikën, ekonominë, diplomacinë, arsimin, shëndetësinë, papunësinë dhe jetën e shqiptarëve. Ata mbahen mend për piramidat që u hoqën shqiptarëve edhe “brekët”. Mbahen mend për kaosin dhe mashtrimin me pronat, për dhunën dhe burgjet ndaj mediave, për zgjedhje-vjedhje votash me dhunë policore, për masakrimin e opozitës me shkopinj e qyta armësh policie dhe shqelma SHIK-u. Mbahen mend për gjoba dhe rrëmbim e zhdukje biznesmenësh, për krimin e Gërdecit, për korrupsion e pasurim familjar nëpërmjet pushtetit, për vrasje protestuesish. Në historikun e tyre, “berishët” kanë bërë shumë “vepra”, por fatkeqësisht të “zeza” për shqiptarët dhe luksoze për vete. Sot, nisur prej pushimeve luksoze të sojit të “berishëve” në vilën prej sheikësh të Argitës në oazin e Lalëzit (të mohuar prej Berishës), po publikojmë dy nga këto vepra: Një universitet shtetëror stallë lopësh për shqiptarët dhe një rezidencë luksoze për veten e tyre.

“Berishët” ofruan universitete stalla për shqiptarët…

Kjo ndërtesë gërmadhë që shikoni në fotografi, qysh prej vitit 2006, ka funksionuar si universitet shtetëror. Është “investim” arsimor, bërë prej i ish-qeverisë “Berisha”. Edhe kjo ndërtesë universitare ka qënë pjesë e fjalimeve histerike të Sali Berishës, në vitet kur broçkulliste përpara shqiptarëve për “arsim të lartë modern” si në Angli, Gjermani, Francë, Suedi, Austri, Danimarkë, Kanada e SHBA. Është ndërtesë universitare e “epokës arsimore dixhitale”. Në këtë ndërtesë, nën përkujdesjen e ish pushtetit të “berishëve” janë “përgatitur” studentët shqiptarë! Kjo ndërtesë gërmadhë është fytyra e vërtetë e kushteve arsimore universitare që krijoji dhe la prapa pushteti i “berishëve”. Kjo karaktinë e cila nga jashtë ngjason si shtëpitë e bombarduara në Kosovë e Bosnjë gjatë kohës së sulmit serb, quhet godinë universitare e modelit arsimor “Berisha”. Kjo pamje mjedisesh universitare njason me pamje shkollash në fshatra periferikë të komunave periferike të Shqipërisë. Në atë stallë me banka e karrige ish-vatrash kulture të ish-koopertivave, kanë dhënë mësim profesor e doktorë. Këtu është bërë shkenca moderne, aty kanë mësuar ata që u është thënë se janë me kushte arsimore si në universitetet e botës moderne, kur në fakt janë më keq se mjediset e kurseve që organizon “Kryqi i Kuq” për fëmijët analfabetë në fiset e xhunglës së Afrikë. Këtë “hale publike” nga pamja e jashtme, të quajtur “universitet publik” dhe mesjetarizëm kushtesh nga brenda, me sobë zjarri me dru si në kapanonet e shartarrëve e gjeologëve në alpe në vitet ’60, shërbimi veterinar nuk do të lejonte të përdorej as si stallë gomerësh, ndërsa shërbimi shëndetësor nuk do të lejonte të përdorej as si kapanon klandestinësh tranzit sirianë. Mirëpo në kohën e “Shqipërisë dixhitale” të pushtetit të “berishëve”, ajo u përdor si “universitet”…!

Saraje mbretërish për vete…

Ndërsa për studentët shqiptarë, “berishët” ofruan ndërtesa e kushte mizerje në çdo cikël të arsimit, për vete ndërtuan vila moderne me kushte jetese e pushimesh luksi. Kjo vilë luksoze që shikoni në foto, me hapësirë të madhe gjelbërimi e ndërtimi, që duket si panoramë ilustruese guidash turistike është vila e njërit prej miliarderëve të familjes ish-kryeministrore të “berishëve”. Është vila “kartolinë” dhe luks e Argitës, vajzës së Sali Berishës, njeriut që ka ulëritur 24 vjet pa pushim kundër vilave të bllokistëve ku shërbente si komunist besnik dhe mbajtës oturaku. Ka folur kundër vilave të bllokistëve, ndërkohë që ato vila nuk kanë qenë për nga ndërtimi e komoditeti as sa luksi që është ndërtesa e rojeve, kuzhinerëve, lulishtarëve e pastrueseve të vilës së Argitës. Këtë rezidencë sheikësh që shikoni në foto, sipas ekspertëve vlerësues, me kosto të përafërt 2.4 milionë dollarë, babai i saj në fillim e mohoi se ekzistonte, ndërsa tani që është ulur në kolltuqet brneda saj, do të thotë e se vajza e tij “e ka ndërtuar me kursimet nga lekët e rrogës” si pedagoge dhe si këshilltare juridike tenderash, pasurisë të patundëshme, e koncesionesh gjatë 8 viteve, kur babi ishte “kryeministër i duarve të pastra”. Shikoni këtë vilë të Argitës, me sipërfaqe sa të sarajeve të bosëve të drogës kolumbiane, me mjedise e vepra arti parqesh mbretërore, me arkitekturë moderne, me ushqim e personel shërbimi kështjellash, me komoditet e luksi e siguri të lartë si në Shtëpinë e Bardhë. Kjo është pronë e “berishëve” që thonë se jetojnë “me djersën e ballit”. Brenda kësaj rezidence, këto ditë po pushon dhe Saliu, kubeja e familjes mafioze të berishëve, altoparlanti gojëqelbët, të zi nga shpirti e kriminal nga mendja, që në 22 vite i ka ngelur gjuha përjashta, duke llapur për luftë kundër korrupsionit.