Vidhet “Audi Q7” i një politikani shqiptar, do shitej në Marok

Policia spanjolle ka sekuestruar një “Audi Q7”, që ishte vjedhur në Shqipëri.

Makina luksoze që kushton 70 mijë euro është bllokuar nga policia e enklavës afrikane të Melila-s.

Bashkë me makinën u arrestuan edhe dy shtetas marokenë, të cilët akuzohen për vjedhjen e saj.

Marokenët e arrestuar kishin zbritur nga trageti i kompanisë “Compania Acciona Sorolla”, i ardhur nga porti spanjoll i Malagas.

Nga verifikimi me bazën e të dhënave të policisë, rezultonte që targat franceze të automjetit i përkisnin një makine tip ‘Citroen’, ndërsa mjeti që po kontrollohej ishte tip ‘Audi’.

Kjo ka bërë që te policia të lindin dyshimet për vjedhjen e këtij automjet.

Dhe, nga verifikimi i numrit të shasisë së makinës rezultoi se ajo ishte vjedhur në Shqipëri.

Dhe, i përkiste një politikani shqiptar.

‘ABC’, ‘Infomelilla’, ‘20 minutos’, ‘El Semanal Digital’, ‘Europa Press’, janë disa nga mediat spanjolle që e kanë raportuar këtë lajm.

Makina luksoze pritej që të shitej në Marok.

Tashmë lind pyetja se kujt politikani i përkiste ky “Audi Q7”./b.l