Janar – korrik, rritet numri i pasagjerëve që udhëtuan me tragete

Numri i udhëtarëve që kanë preferuar të udhëtojnë me tragete nga Porti i Durrësit,
gjatë periudhës janar- korrik 2014-të u llogarit në 325,505 persona. Referuar statistikave zyrtare, kjo shifër krahasuar me të njëjtën periudhë të një vit më parë ka pësuar rritje me 7,093 pasagjerë. Por, nuk ka qenë e njëjtë kjo tendencë për sa i përket automjeteve. Sipas të dhënave të Autoritetit Portual në Durrës, numri i veturave, kamionëve dhe
trajlerëve të përpunuar gjatë 7- mujorit 2014 ishte 96,986 mjete. Një shifër që rezulton me rënie me 6,396 mjete krahasuar me të njëjtën periudhë të një viti më parë.
Ndërsa sa i përket udhëtarëve të hyrë në rrugë tokësore, përmes pikave të kalimit kufitar, Policia e Shtetit deklaroi se ka pasur rritje të numrit të shtetasve të huaj që kanë hyrë në Shqipëri nga data 1 – 15 gusht.
Hyrjet më të mëdha janë vënë re në pikat kufitare tradicionale, Kakavijë, Kapshticë dhe nga Porti i Durrësit si dhe Morina ku është vënë re një rritje e shqiptarëve të Kosovës që hyjnë në Shqipëri për pushime.
Gjatë muajit korrik, sipas të dhënave pati një rritje me 70.000 shtetas më shumë që hynë në territorin shqiptar.