Intelektualët të mbrojnë ortodoksinë shqiptare

Koment te gazetadita.al

Sigurisht që klerikët dhe politikanët shqiptarë kanë rolin e tyre shumë të madh dhe që padyshim nuk e kanë kryer ashtu si duhet, që të vënë interesat kombëtare mbi ato fetare. Por një rol po aq vendimtar kanë dhe vetë besimtarët ortodoksë shqiptarë që i lëpihen këtyre antishqiptarëve, për ndonjë favor që ata u bëjnë, sigurisht me bekimin dhe për interesat e politikës greke. Si duket paraja është besimi i shumë prej tyre dhe jo thënia e famshme e Pashko Vasës “feja e shqiptarëve është shqiptaria”. E pra këta besimtarë ortodokse duhet t’ia vënë kufirin tek thana Janullatosit dhe atyre që janë në kupolën e Kishës Autoqefale Shqiptare” me bekimin e tij, kur veprimtaria e tyre bie ndesh me disa çështje sensitive si ky rasti i Shën Kozmait, ku feja e tij ishte antishqiptarizmi ekstrem. Më tepër se shtresave të besimtarëve të paformuar dhe të painformuar më të dhënat e duhura historike, u takon intelektualëve shqiptarë që ta kryejnë këtë në mënyrë konstante, me fakte e dokumenta. Nga Bureto