Ja pse Pasdite në TCH nuk zhgënjen kurrë…!

Bujar Kokonozi ka qëlluar sërish në shenjë duke zgjedhur një gazetare të hijshme për Pasditen në TCH. Pasdite në TCH është një nga emisionet më të shikuara falë menaxhimit intelektual të drejtueses Ulpiane Lama e cila u tërhoq pas një eksperience 2 vjecare për t’ju dedikuar karrierës së saj akademike.

Nuk ka qënë aspak e vështirë për regjisorin e mirënjohur Bujar Kokonozi që të zgjedh një nga spikeret e News 24, Kozeta Turishta, e cila vec bukurisë natyrale gëzon edhe potencialin e duhur intelektual për një emision të këtyre përmasave. Turishta e cila e thërret veten në FB “Cosette Cosette”, ka shprehur një mirënjohje të gjatë për Zotin, News 24 (ku punonte së fundmi) dhe në veçanti për regjizorin Kokonozi, i cili di të surprizojë publikun e Pasditës në çdo zgjedhje të tij vit pas viti.

Pasdite në TCH është drejtuar fillimisht nga Arbana Osmani, ( koha e artë) dhe pas tërheqjes së Osmanit për shkak të impenjimit tek e “Diella” dhe “BB”,  Bordi i TCH vendosi ta zëvëndësonte me një nga spikeret Genta Popa e cila gëzon simpati në audiencë. Nuk dihet pse, dhe si, Genta u largua dhe vendin e saj e zuri një reportere e Top News, dikur pjesëmarresge në Miss Tirana.Lira Burgija, ishte gjithashtu zgjedhje e regjisorit Kokonozi, por për arsye që sërish nuk dihen sezonin e dytë kontrata me Lira Burgijën u ndërpre dhe sot ajo vijon punën si reportere ne redaksinë e informacionit në TCH.

Ulpiana Lama u zgjodh si e vetmja bjonde dhe e mençur që mund të konkuronte Rudina Magjistarin (e cila sot në të gjitha sondazhet rezulton të jetë fasha e orarit më e ndjekur nga të gjithë emisionet e tjerë simotra, e ndjekur shumë afër nga Pasdite në TCH).

Ulpiana i bëri një konkurencë të fortë e dinjitoze, me batuta me kripë, por as ajo nuk ja doli të që eklipsonte Magjistarin totalisht, e cila ndoshta për hir të famës dhe buzëqeshjes së saj ruan vendin e parë.

Gjithsesi jemi të bindur që TCH edhe këtë herë nuk ja ka futur kot dhe se Cosette Cosettë do sjellë ndryshimin e madh. Nga fotoja gazetarja të kujton këngën e PD në vitin 2009- “Shqipëria po ndryshon”. Me siguri kështu do të vijë ndryshimi edhe në TCH, bashkë më Kozetën!

Për ta njohur më shumë shpirtin dhe botën e Kozetës, lexoni më poshtë:

“Nëse dëshiron të bëhesh dikushi në jetë, ji i sinqertë, i thjeshtë, dhe me këmbë në tokë… Mirë thonë që dashuria e vërtetë nuk zgjat përgjithmonë…Pas fiks 10 vitesh, divorcohem nga dashuria ime e vjetër Lajmet; isha 18 vjeç kur dhashë për herë të parë një Edicion Informativ, e pikërisht në studion e atij tv që më ndriçoi rrugën drejt një bote më të gjerë televizive në mediat kombëtare. “Rozafë”, mirënjohje e falenderime nga ana ime!! Duke filluar nga dt.1 shtator 2014 do shihemi në Top Media. Ndjehem shumë e vlerësuar, që Top Channel, më ofroi mundësinë për të qenë pjesë e stafit të tyre, duke më besuar drejtimin e emisionit “Pasdite në Top Channel”. Privilegj për mua të jem pjesë e kësaj studioje, pas prezantimit në këtë format edhe të kolegeve të mia paraardhëse, figura te nderuara dhe model në llojin e tyre, si Arbana Osmani, Genta Popa, Lira Burgia, dhe Ulpiana Lama, të cilave shumë përzemërsisht i përcjell respektin dhe konsideratën time më të madhe! Falenderoj Mjeshtrin e Madh Bujar Kokonozi, dhe pjesën tjetër të bordit drejtues që pikërisht më zgjodhen mua mes shumë kolegesh të tjera të nderuara, e shumë profesioniste. Kënaqësi e veçantë dhe fat për këtë mundesi në Top Channel, do bëj më të mirën që të gjithë të ndjeheni krenar për mua”.